我的野貓生活

懸賞 2008年 06月 17日 懸賞

今日用全廣東話寫呢篇野。

6月17號,落雨呀,點解今日要特別寫落雨天,因為日日落雨囉,天黑黑咁,已經覺得好唔耐煩架啦,難得放咁長既holidays,可惡><,又唸起早排四川日震夜震,跟住落尼又到左呢個華南水災,都怪個天日落夜落搞成咁,日日出門口都要唸下帶唔帶遮出門口,如果帶既話,又唸下帶邊把好,唔想帶公司遮出門口,因為成日比D九唔搭八既人問尼把野可以係邊度手羅到,用自己既又有好多選擇,長既定縮骨既,波點定公仔既又或者係透明既,無辦法,我大大話話有十把以上,唔係贈品呀!全都是見到靚而買架,仲唔係行行落雨走入去7仔買果D。當你太多遮既時候就會咁,因為怕有D遮成日柄埋左係門後面,無咩機會爆光,哈哈哈!

尋日去商務印書館唸住只係睇下TRAVEL書唸下NEXT TRIP去邊度玩好,點知呢個HSBC信用卡有DISCOUNT,而且仲UP TO 50%,嘩!平日想買但又未打算買既貴書呢個時候應該係出手既時候,一口氣買了一堆唔知幾時得閒睇但又想擁有既書,仲有就係買埋黃偉文果本[生於天橋底],佢既書唔係一定要睇同好好睇果隻,只是對WHYMAN有D情意結,好鬼鐘意睇佢寫既野,總是令我覺得好好玩好開心,如果有一本書可以氹得我好開心,一定係WHYMAN既書仔。結果找數果時仲成為了會員,全年都有DISCOUNT,可惜只是一個10%,我那本放優惠卡的薄仔又厚左。

By the way,Whyman本書一回家就睇左大半,大半夜睇呢本野,搞到自己好精神訓唔到教。

自我警告:想訓教既話,唔好睇whyman或衛斯理既書。

上星期經過旺角街頭,見到個我好喜歡既牌,上面寫著[我愛自己],尼個title我覺得好正,好過果D [I love NY][I love HK][I love MO]…數唔到咁多,當你著住I love NY,呢個title最原始兼最正統,可能你真係好愛NY所以著住尼件野,但唔代表NY都好愛你呢,陰公!記得我以前最愛買呢D[I LOVE乜乜]既衫,之後出TRIP工作一日一件唔同TITLE,有個客問我,你日日都LOVE尼度LOVE果度,幾時LOVE ME呀!好搞笑 ><”

唔係好慣咁寫野,但好過癮,希望入來呢個BLOG既人都睇得開心,可能有人會唔明,就請你好好學習一下啦!
b0039447_2013962.jpg

[PR]

by kagrra_rika | 2008-06-17 20:01 | ☆Macau's Life

<< The Red Sea~ 紅海...   Oliver Street >>